Epilogo: "Para Kang Una"

Kani nga balak, 
dili para sa gugma... 
dili para sa imoha, 
dili angay pagaampingan, 
ug itago sa handumanan. 


dili para pasanginlan sa sala na wa'y ngalan 
dili para kalimtan ang tanang binuhatan 
dili para isulti ang sakit na nabati 
dili para iwakli ang dughan na napali 
dili para ikumpara ang luha sa katawa 
dili para mapangita ang kalipay na nawala... 

Halos tanan akong naagian, 
ug mipahiyom ang kalibutan, 
sa tanan nakong nasabtan, 
sa karon na akong naabtan. 

Nagsadya ang kalangitan, 
sa nadawat nakong kamatuoran. 
Mutuyok ang tanan... 
ibalik nato sa sinugdanan. 

Kani nga balak, 
dili jud para sa gugma... 
kay para tuod sa imoha, 
dili angay pagaampingan 
ug itago sa handumanan...