Dili man sa ingon nga ako desperada.
Magdilubyo man o muolan og kalayo.
Bastoson o sitahon og mga gago.
Ngano man diay, di ba?
Magpaabot lang jud ko maskin magkinaunsa.
Dili man sa gakaboang ko kanimo.
Sige, ibutang nato nahangol ko.
Gapangita sa imong kahumot.
Gimingaw sa imong mga kamot.
Kadaadlaw, naa ka sa akong alimpatakan.
Kanunay gapakita ug gadagan-dagan.
Kada damgo nako, nganong ikaw man?
Mahimong prinsipe ug superman.
Nganong sa tanang tawo,
sa tanang mga kahigayon,
ikaw jud ang nailhan nako?
Ikaw kaha akong madayon?
Ambot! Wala nako kasabot.
Moundang ba o maghimo'g gubot.
Para nimo, naa ra ko.
Sa imong likod magpuyo.
Mahurot man ang gihatag nakong oras.
Mahanaw man ang gitigum nga gugma.
Bahala kung tanan mawala ug akoy demalas.
Basta lang na sa akong atubangan,
Mulabay ka.
No comments:
Post a Comment