TSAR

unsa jud ang dapat buhaton sa usa ka baye na simple og uyamot,

para mahimong malipayon og takos sa kalibutan?

unsa jud ang iyang kinahanglan para mahimong tibuok og kuntento sa kinabuhi?

sa iyang nakita...kinahanglan nya makuha ang mga mata sa katawhan para madawat sya og magkaimportansya.

kinahanglan gwapa og nindot og lawas.

pero sa pagtan-aw nya sa iyang hitsura. madawat kaha siya?

sa iyang nadunggan...kinahanglan nya makuha ang saktong pangdungog sa katawhan para madawat sya og magkaimportansya.

kinahanglan dato og sikat.

pero sa nadunggan niya sa iyang kaugalingon. madawat kaha siya?

sa iyang nabatian...kinahanglan nya makuha ang pagbati sa katawhan para madawat sya og magkaimportansya...

kinahanglan buotan og maabi-abihon.

pero sa iyang nabati sa iyang kaugalingon. madawat kaha siya?

mao nang..iyang gisulayan og gibuhat ang tanan para madawat sya sa katawhan og magkaimportansya.

nagpagwapa siya.

nagpa-seksi.

nagtrabaho para madato.

nagpasikat.

nagpabinut-an.

nagpaabi-abihon.

hangtud sa....

gidawat sya sa katawhan og gidayeg siya.

og nalipay siya.

pero.

nakasinati sya nga naay kulang...

isa ka-adlaw...gikapoy na sya.

gikapoy na siya sa iyang mga gibuhat.

wala siya nakakitag bili sa tanan.

kay naa ma'y kulang.

nakapangutana siya sa iyang kaugalingon.

"ako ba kini?"

og nakamata uroy siya sa kamatuoran.

kinahanglan niya dili ang kalibutan.

dili ang tibuok katawhan.

mao nang..pagka-ugma...

nibalik siya pagka-simple og uyamot.

nawala ang pagdayeg sa katawhan.

naguol siya...kadali..

unya..

nay miabot na lake.

simple og uyamot.

nag-ila-ila sila.

nagkuyog.

midagan ang oras og bulan.

og miabot ang adlaw.

nangutana ang baye sa lake.

"malipayon baka nako?"

mitubag ang lake.

'nganong nakapangutana man ka ana?"

og miingon ang baye,

"kay dili man ko gwapa, dili nindot akong lawas, dili ko dato, sikat, buotan og ma-abiabihon."

mingisi ang lake og mitubag.

"malipayon ko"

og nangutana nasad ang baye

"ngano man?"

mitubag ang lake og gihawiran ang kamot sa baye

"wala koy labot sa tanan. ang ako lang, nahigugma ko nimo og wala nay makapuli ana, maskin ang kalibutan og katawhan."

mipahiyom ang baye sa iyang nadunggan...

sa lake na iyang nakita...

sa kalipay na iyang nabati.

kabalo na siya unsa ang kulang.

para mahimong tibuok og kuntento sa kinabuhi.